Имрӯз дар доираи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи ҷавонони Тоҷикистон бо иштироки афсарону сарбозони қисми ҳарбии Қӯшунҳои дохилии ВКД Ҷумҳурии Тоҷикистон мулоқот доир шуда, дар доираи он ҳамзамон мусобиқаҳои гуногуни варзишӣ ташкил карда шуд.

Зимни баргузории чорабинӣ масъулини Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва роҳбарияти қисми ҳарбӣ оид ба нақши ҷавонон дар таҳкими сулҳу субот, ҳифзи марзу буми Ватан ва эҳсоси баланди ватандӯстиву хештаншиносӣ суханронӣ намуданд.

Ҳамзамон, дар ҷараёни чорабинӣ миёни афсарону сарбозон мусобиқаҳои гуногуни варзишӣ доир гардида, иштирокчиён маҳорати ҷисмонӣ ва руҳияи баланди ҳамдиливу муттаҳидии худро нишон доданд.

Дар фарҷоми чорабинӣ аз ҷониби Кумита ба як қатор афсарону сарбозон туҳфаҳои хотиравӣ тақдим гардид.

“ҶТ”