30 май дар Амфитеатри Муассисаи давлатии “Аҳорун”-и шаҳри Душанбе ҷамъбасти Моҳвораи ҷавонон таҳти унвони “Ҷовидон бод, ҷавонӣ ва ҷавонон” доир гардида, ҷавонони фаъол қадрдонӣ шуданд.

Дар ин бора аз маркази таҳлил ва иттилооти Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

Бино ба иттилои манбаъ, дар чорабинии мазкур Дилбар Одилзода, муовини раиси шаҳри Душанбе ва Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон иштирок ва суханронӣ намуданд.

Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зимни суханронӣ ҳамаи ҷавонони саодатманди кишварро бо иди ҷавониву ҷавонон шодбош гуфт.

Дар идома ба ғолибони озмуни ҷумҳуриявии “Донишҷӯи сол”, ки дар интиҳои моҳвораи ҷавонон натиҷагирӣ гардид, дар фазои тантанавӣ диплом, мукофотпулӣ ва ба чанде аз фаъолони соҳа, инчунин ба якчанд сохторҳое, ки дар татбиқи сиёсати давлатии ҷавонон саҳмгузоранд туҳфаҳои хотиравӣ супорида шуд.

Ҳамзамон бахшида ба моҳвораи ҷавонон аз ҷониби як қатор сохторҳо чанде аз кормандони соҳаи кор бо ҷавонон ва варзиш бо ихтихорнома, медалҳои сарисинагӣ ва ҷоизаҳои соҳавию давлатӣ сарфароз гардонида шуданд.

Дар охир барномаи фарҳангӣ пешкаши ҳозирин гардонида шуд.