Дар Китобхонаи марказии шаҳри Бӯстон даври шаҳрии Озмуни ҷумҳуриявии “Библиомарафон” таҳти унвони “Ҳамнишине нест беҳтар аз китоб” баргузор гардид.

Масъулин иброз доштанд, ки озмуни мазкур ҳар сол бо мақсади ҷалби таваҷҷуҳи кӯдакону наврасон ба мутолиаи китоб, эҳёи суннатҳои китобхониву китобдорӣ, бедор намудани майлу рағбат ба эҷодиёт, тарбияи насли наврас дар заминаи арзишҳои миллию умумибашарӣ ташкил ва баргузор мегардад.

Дар даври шаҳрии озмуни мазкур 12 нафар хонандагони фаъоли китобхона иштирок намуда, беҳтаринҳо ба даври вилоятӣ роҳ ёфтанд. Хонандагони фаъол, ғолибони даври шаҳрӣ бо ифтихорнома ва туҳфаҳои хотиравӣ қадрдонӣ шуданд.

Субҳиддин ҚОДИРОВ, “ҶТ”