Дар шашмоҳаи аввали соли 2026 варзишгарони ноҳияи Исмоили Сомонии шаҳри Душанбе аз мусобиқаҳои ноҳиявӣ, шаҳрӣ, ҷумҳуриявӣ ва байналмилалӣ дар маҷмуъ 1656 медал ба даст оварданд. Дар ин хусус, имрӯз – 16 июл Руслан Қодирзода, раиси ноҳия зимни нишасти матбуотӣ иттилоъ дод.

Ба гуфтаи раис ин шумора нисбат ба ҳамин давраи соли гузашта 16 медал зиёд буда, аз ин шумора 496 адад медали тилло, 489 адад медали нуқра ва 671 ададро медали биринҷӣ ташкил медиҳад.

Ҳамчунин, ӯ таъкид намуд, ки ҷиҳати тарғиби ҳамаҷонибаи тарзи ҳаёти солим барои рушди соҳа дар ноҳия 24 толори варзишӣ, 48 майдончаҳои варзишӣ ва бозиҳои кӯдакона дар истифодаи умум қарор дошта, дар онҳо зиёда аз 6 ҳазору 500 нафар ҷавонону наврасон ба машғулиятҳои варзишӣ фаро гирифта шудаанд.

Гулафшон КАРИМОВА, “ҶТ”