Баҳри оммавӣ гардонидани варзиш ва дар ин замина ҷалб намудани наврасону ҷавонон ба он, Бахши кор бо ҷавонон ва варзиши ноҳияи Ванҷ ҳам мусобиқаҳои деҳа ба деҳаро роҳандозӣ кардааст.

Тавре аз Раёсати кор бо ҷавонон ва варзиши ВМКБ хабар доданд, чунин мусобиқаҳо, аз қабили бозии футбол байни ҷавонону наврасон ҳар ҳафтаи рӯзи шанбе дар ноҳия гузаронида мешаванд.

Бояд қайд, ки ҳоло чорабиниҳои варзишӣ тариқи усули деҳа ба деҳа дар ҳамаи ҷамоату деҳоти ноҳияҳои ВМКБ доир мегарданд.