Дар ноҳияи Мурғоб бо ибтикори Бахши кор бо ҷавонон ва варзиши ноҳия байни нӯҳ дастаи ҷавонон ва сокинони ноҳия мусобиқаи ноҳиявӣ аз рӯи волейбол баргузор гашт.

Ба даври нимниҳоии бозӣ танҳо дастаҳои “УПД – 1”, “Ҷавонон – 87”, “Сомонӣ” ва “УПД 2” роҳ ёфтанд, вале ин давр бо ғолибияти “УПД – 1” ва “Сомонӣ” анҷом пазируфт.

Ҳамин гуна, даври охири мусобиқа миёни дастаҳои қавӣ, яъне “УПД – 1” ва “Сомонӣ” сурат гирифта, дар натиҷа “УПД – 1” бар дастаи рақиб ғолиб омад ва ҷойи аввалро ба даст овард.

Ғолибони мусобиқа аз тарафи бахш бо мукофотпулӣ ва ифтихорномаву медалҳо қадрдонӣ шуданд.