Варзишгари тоҷик Мирзобек Умаров дар Бозиҳои XX осиёӣ-2026, ки дар шаҳри Нагояи Ҷопон идома доранд, дар риштаи санъати муҳорибаҳои омехтаи Modern дар вазни то 60 килограмм медали тилло ба даст овард.

Дар қувваозмоии ниҳоӣ Мирзобек Умаров бар намояндаи Ӯзбекистон Фирдавс Атамуратов бо ҳисоби 3:0 пирӯз шуда, зинаи аввали мусобиқаро ишғол намуд.

Ҳамин тариқ, Мирзобек Умаров нахустин медали тиллои Тоҷикистонро дар Бозиҳои осиёӣ-2026 соҳиб гардид.

Ин медал барои Тоҷикистон ҳафтумин медали тилло дар таърихи иштироки кишвар дар Бозиҳои осиёӣ ба ҳисоб меравад.

Бозиҳои XX осиёӣ аз 19 сентябр то 4 октябри соли 2026 дар шаҳри Нагояи Ҷопон баргузор шуда, варзишгарони Тоҷикистон дар як қатор намудҳои варзиш барои ба даст овардани медалҳо рақобат доранд.

Яҳё МАҲМАДНАБИЕВ, “ҶТ”