Дар деҳаи Зумрадшоҳи ҷамоати деҳоти Шаҳраки шаҳри Исфара як иншооти муҳими варзишӣ мавриди баҳрабардории насли наврас қарор дода шуд.

Зимни ифтитоҳи иншооти мазкур муовини раиси шаҳри Исфара Ҷаъфархӯҷа Ҳайдарзода амалӣ гардидани иқдоми шоистаи рушди варзишро миёни насли наврас дар шаҳру деҳоти Исфара яке аз самтҳои афзалиятноки фаъолияти Мақомоти иҷроияи маҳаллии ҳокимияти давлатӣ арзёбӣ намуд.

Гуфта шуд, ки дар шаҳри Исфара бунёд шудани майдонҳои футболи хурд дар тарғиби тарзи ҳаёти солим байни ҷавонону наврасон, ҷалби онҳо ба тарбияи ҷисмонӣ ва оммавӣ гардонидани варзиш мусоидат хоҳад кард.
Ин иншооти муҳими варзишӣ бо саъйи соҳибкори маҳаллӣ Абдуқадим Холиқов бо харҷи беш аз 150 ҳазор сомонӣ бо тарҳи замонавӣ ва сифати баланд бунёд гардидааст.