Дар доираи лоҳияи «Дзюдо дар мактаб» дар ноҳияҳои Ванҷу Рӯшони ВМКБ ду толори варзишӣ дар назди мактабҳои таҳсилоти миёнаи умумии № 4 ва 7 кушода шуданд.

Тавре масъулини Бахшҳои кор бо ҷавонон ва варзиши ноҳияҳо иттилоъ доданд, толорҳо дар ҷамоатҳои Маҳмадулло Абдуллоев ва Баррӯшон дар ҳамкорӣ бо Кумитаи миллии олимпии Ҷумҳурии Тоҷикистон, Вазорати маориф ва илми кишвару Федератсияи дзюдои байналмилалӣ ифтитоҳ ёфта, дар он асосан мактаббачагони аз панҷ то 12 сола аз рӯи намуди дзюдо машқу тамрин мекунанд.

Мавриди қайд аст, ки иқдоми болозикр дар асоси дастуру супоришҳои Пешвои миллат муҳтарам Эмомалӣ Раҳмон рӯи кор омада, дар умум амалисозии лоиҳа асосан дар 10 муассисаи таълимии сатҳи ҷумҳурӣ сурат гирифтааст.