10 марти соли ҷорӣ бо ташаббуси Раёсати кор бо ҷавонон ва варзиши вилояти Хатлон дар шаҳру ноҳияҳои вилоят бо ҷалби наврасону ҷавонон ва сокинони касбу кори гуногун машқҳои пагоҳирӯзӣ гузаронида шуд.

Бино ба иттилои масъулини Раёсати кор бо ҷавонон ва варзиши вилояти Хатлон дар машқҳои пагоҳирӯзӣ беш аз 6400 нафар сокинон иштирок намуда, дар тарғиби тарзи ҳаёти солим ва оммавияти варзиш саҳми хешро гузоштанд.

Ёдовар мешавем, ки ҳар ҳафта рӯзҳои шанбе бо ҷалби сокинон дар ҳудуди вилоят машқҳои пагоҳирӯзӣ гузаронида мешавад.