Дар рӯзи аввали Ҷоми Осиё оид ба ҷудо байни наврасон ва ҷавонон - 2025, ки дар шаҳри Душанбе ҷараён дорад, намояндагони Тоҷикистон созовори 5 нишон (3 тилло, 1 нуқра ва 1 биринҷӣ) гардиданд.

Нишонҳои тиллоро байни писарон Абубакр Худоиев дар вазни 55 кг ва Муҳаммад Одинашоев дар вазни 66 кг ба даст оварданд. Дар байни бонувон бошад, Мадина Қурбонзода дар вазни 52 кг созовори нишони тилло гардид, инчунин байни бонувон Оминабону Тошова дар вазни 44 кг сазовори нишони нуқра ва Нушон Ҷумаева дар вазни 48 кг созовори нишони биринҷӣ гардиданд.

Ба иттилои Федератсияи байналмилалии ҷудо, мусобиқа 20–21 ноябр байни наврасон баргузор гардида, дар он 333 варзишгар аз 4 кишвари Осиё иштирок мекунанд. Тоҷикистонро дар ин бахш 179 писар ва 11 духтар намояндагӣ менамоянд.

Мусобиқа байни ҷавонон 22–23 ноябр доир мегардад. Дар ин мусобиқа 276 ҷудочӣ аз 6 кишвари Осиё ҳунарнамоӣ мекунанд. Аз Ҷумҳурии Тоҷикистон 176 писар ва 10 духтар дар татамии Душанбе рақобат хоҳанд кард.

Яҳё МАҲМАДНАБИЕВ, “ҶТ”