Дар меҳмонхонаи “Лаъл”- и шаҳри Хоруғ бо иштироки 40 нафар ҷавонони шаҳру ноҳияҳои Вилояти Мухтори Кӯҳистони Бадахшон дар мавзӯи “Рушди фаъолияти соҳибкорӣ дар байни ҷавонон” семинари омӯзишӣ баргузор гашт.

Тавре Сураҷ Чоршанбиев, сардори Раёсати кор бо ҷавонон ва варзиши вилоят иброз намуд, семинар бо мақсади баланд бардоштани донишу малака, шуғлу ихтисосмандии аҳолӣ, бахусус ҷавонон доир шуда, инчунин дар рафти чорабинӣ фаъолияту саҳмгузории худи ҷавонон дар рушди соҳа низ муаррифӣ гардид.

Ба иттилои манбаъ чунин чорабиниҳо минбаъд низ бо ҷалби васеи ҷавонони кишвар доир хоҳанд шуд. Зеро рушди фаъолияти соҳибкорӣ тақозои замон асту наслҳои ояндасоз дар ин самт имкониятҳои зиёдтару васеътар доранд.