Исфандиёри Саъдулло роҳбари навтаъини Хадамоти алоқаи назди Ҳукумати Ҷумҳурии Тоҷикистон дар нишасти хабарии худ имрӯз - 29 январ ба хабарнигорон иттило дод, ки нарх ва сифати алоқаи мобилиро бознигарӣ мекунад.

Дар робита ба эроди хабарнигорон бобати сифати паст ва нархи гарон доштани интернет ва алоқаи мобилӣ Исфандиёри Саъдулло гуфт ширкатҳои таъминкунандаи интернет вазифадор шудаанд, ки нархи интернетро тавре арзон намоянд, то ба сифати он таъсир нарасонад.

Дар идома раиси алоқа афзуд, ки дар ояндаи наздик аз интернети 4 G+ ба 5 G хоҳанд гузашт, ки ин масъала дар Паёми роҳбари давлат ҳам садо дода буд.

Яҳё МАҲМАДНАБИЕВ, “ҶТ”