Дар соли 2025 зиёда аз 9 ҳазор хонандаи муассисаҳои таълимӣ аз кишварҳои хориҷа, махсусан Федератсияи Русия ихроҷ шуда, ба Тоҷикистон баргаштаанд, ки ҳамаи онҳо дар ватан бо шароити хуби таълимӣ фаро гирифта шудаанд.

Дар ин бора Раҳим Саидзода, вазири маориф ва илми кишвар хабар дод. Ба гуфтаи вазир ин масъала таҳти назорати Вазорат қарор дошт ва ҳамаи ин хонандагон дар дохили кишвар ҷобаҷо карда шуданд.

“Ҳамаи инҳоро таҳти назорати Вазорати маориф қарор дошт ва ҳами онҳоро мо ба ҷойҳои зарурӣ ҷобаҷо кардем”, гуфт вазир.

Мавриди зикр аст, ки аз 1 апрели соли 2025 дар Русия қонуни нав амал мекунад, ки тибқи он кӯдакони муҳоҷир пеш аз қабул ба мактаб бояд аз забони русӣ имтиҳон супоранд.

Тибқи маълумоти расмӣ, дар чанд моҳи аввал зиёда аз 23 ҳазор кӯдак барои таҳсил муроҷиат кардаанд, аммо танҳо тақрибан 12 фоизи онҳо имтиҳонро гузашта, ба мактаб қабул шудаанд, дар ҳоле ки беш аз 87 фоиз ба таҳсил роҳ наёфтаанд.

Фарзонаи УМАРАЛӢ, “ҶТ”