Ҷудокори тоҷик Муҳиддин Асадуллоев барандаи нишони биринҷии вазни то 73 кг дар мусобиқаи Lausanne Grand Slam 2026  гардид.

Ӯ барои ба даст овардани нишон Казбек Нагучев, намояндаи Имороти Муттаҳидаи Арабиро шикаст дод.

Ҳамчунин, дар ин рӯзи мусобиқа ду ҷудокори дигари тоҷик, Беҳрӯз Хоҷазода (-81кг) ва Абубакр Шеров (-81кг) рақобат карданд, вале дар даври дуюм аз ҳарифони худ мағлуб шуда, аз идомаи рақобатҳо маҳрум гаштанд.

Дар рӯзи аввали мусобиқаи Тоскулоҳи бузурги Лузан (Lausanne Grand Slam) чор ҷудокори тоҷик рақобат карда, мағлуб шуданд ва нишон ба даст наоварданд.

Lausanne Grand Slam 2026, рӯзи 28-уми август дар шаҳри Лузан (Лозанна)-и Швейтсария шуруъ шуда, 30-юми август ба поён расад ва Тоҷикистонро дар ин мусобиқа 13 ҷудокор муаррифӣ карданд.