Имрӯз - 4 феврал зимни маросими ҷоизасупории соҳаи кор бо ҷавонон дар соли 2025 ба Наҷиба Муродбекова, муҳаррири шуъбаи иқтисод ва иҷтимои рӯзномаи “Ҷавонони Тоҷикистон” Ҷоизаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар соҳаи рӯзноманигорӣ тақдим карда шуд.

Ин дуввумин ҷоизаест, ки имрӯз зимни маросими ҷоизасупории соҳаи кор бо ҷавонон дар соли 2025 ба кормандони рӯзномаи “Ҷавонони Тоҷикистон” тақдим мегардад.
Аз ин пештар Шодихони Назар, сармуҳаррири рӯзнома Ҷоизаи “Шуҷоат ва ҷавонмардӣ” қадрдонӣ шуда буд.

Ёдовар мешавем, ки маросими ҷоизасупории соҳаи кор бо ҷавонон дар соли 2025 айни ҳол дар бинои Филармонияи давлатии Тоҷикистон ба номи Акашариф Ҷӯраев ҷараён гирифтаистодааст. 

Ба тими “Ҷавонони Тоҷикистон” муборак бошад!