Дар ноҳияи Муъминобод чун дар дигар шаҳру ноҳияҳои мамлакат баҳри истиқболи сазовор аз 30-юмин солгарди Истиқлолияти давлатии Ҷумҳурии Тоҷикистон корҳои ободонию созандагӣ бомаром идома дорад.

Тибқи нақшаи тасдиқгардида дар ноҳия сохтмону азнавсозии беш аз 300 иншооти маданӣ-маишӣ, хизматрасонӣ ва маъмурӣ ба нақша гирифта шуда, баҳри сари вақт ва бо сифати баланд анҷом додани корҳои сохтмонӣ техникаю таҷҳизот ва масолеҳи хушсифати сохтмонӣ дастрас карда шудааст.

Кормандони муассисаи давлатии нигоҳдории роҳҳои автомобилгарди ноҳия низ бо ҷалби техникаҳои роҳсозӣ таъмири асосию ҷорӣ ва барқарорсозии роҳҳои автомобилгардро идома дода истодаанд. Аз 333 иншооти ба нақшагирифташуда аллакай 273 адади он мавриди истифода қарор гирифтаанд. Корҳои ободонию бунёдкорӣ дар иншооти боқимонда идома дорад.

Умед МИРЗОЕВ, “ҶТ”