Дар толори Мақомоти иҷроияи ҳокимияти давлатии шаҳри Истаравшан бахшида ба 26 – солагии Конститутсияи Ҷумҳурии Тоҷикистон мизи мудаввар таҳти унвони “Конститутсия – бахтномаи миллат” баргузор гардид.

Дар мизи мудаввар намояндагон аз КИ ҲХДТ дар шаҳр Фазилов Акмал, Раёсати маорифи шаҳр Махкамов Ҷаҳонгир, сармутахассиси бахш Аюбзода Ҷовид, мутахассиси пешбари бахш Ҳакимова Мадина, 20 нафар гирандагони стипендияи раиси шаҳр, волонтëрон, аъзои ташкилоти ҷамъиятии “Пайравони Пешвои миллат” ва ФИҶТ дар шаҳри Истаравшан иштирок намуданд.

Дар фарҷоми чорабинӣ ғолибони озмуни иншои беҳтарин дар мавзӯи “Конститутсия- бахтномаи миллат” бо дипломҳои дараҷаи 1, 2 ва 3 сарфароз гардонида шуданд. Ҳамзамон ҷавонони фаъол баҳри саҳми арзанда гузоштан дар татбиқи сиëсати давлатии ҷавонон бо сипоснома қадрдонӣ шуданд.