Соли 2025 варзишгарони ноҳияи Мастчоҳ дар мусобиқаҳои вилоятӣ, ҷумҳуриявӣ ва байналмилалӣ фаъолона иштирок намуда, ба гирифтани 1246 медал, аз ҷумла 404 тилло, 345 нуқра ва 499 медали биринҷӣ мушарраф шудаанд.

Дар ин бора Аъзам Ализода, раиси ноҳияи Мастчоҳ зимни нишасти матбуотӣ маълумот дод.

Гуфта шуд, ки дар ноҳия бо мақсади тарғиби тарзи ҳаёти солим, рушди соҳаи варзиш соли гузашта 11 семинар тренингҳои омӯзишӣ, 79 вохӯрию мулоқот ва хонишҳои сиёсӣ, 27 аксия, 59 чорабинии оммавӣ – варзишӣ ва солимгардонӣ баргузор гардидааст.

Дар идома таъкид гардид, ки дар ҳудуди ноҳия 74 варзишгоҳ, аз ҷумла 32 майдончаи варзишӣ, 41 толори варзишӣ, 2 ҳавзи шиноварӣ фаъолият менамоянд. Дар доираи омодагиҳо ба ҷашни 35-солагии Истиқлоли давлатӣ ба масъалаи бунёди иншооти нави варзишӣ таваҷҷуҳи бештар равона шудааст.

Субҳиддин ҚОДИРОВ, “ҶТ”