Донишгоҳи давлатии Хоруғ ба номи Моёншо Назаршоев дар доираи ҳамкорӣ бо Донишгоҳи техникии Тоҷикистон ба номи академик М. Осимӣ барномаи байналмилалии мактаби зимистонаро дар мавзӯи “Коҳиши хатари офати табиӣ, мутобиқшавӣ ба тағйирёбии иқлим ва идоракунии пиряхҳо дар ҷомеаҳои кӯҳии устувор” баргузор намудааст.

Дар ин бора аз раёсати Донишгоҳи давлатии Хоруғ хабар доданд.

Ба гуфти масъулин ҳадафи асосии барномаи мазкур таҳкими ҳамкориҳои илмӣ, мубодилаи таҷриба, баланд бардоштани дониш ва малакаҳои касбӣ, инчунин рушди шабакаҳои академӣ мебошад.

Гуфта шуд, ки баргузории мактаби зимистона ба баланд бардоштани огоҳӣ дар самти коҳиш додани хатари офатҳо ва мутобиқшабӣ ва тағйирёбии иқлим, муколама ва мубодилаи дониш байни муҳаққиқон ва донишҷӯён, мусоидат ба таҳияи лоияҳои гендирӣ, ташкили ҳамкорӣ барои донишҷӯён ва мутахассисон оид ба ҳалли идоракунии устувории офати табиӣ ва ба даст овардани таҷрибаи амалӣ тавассути корҳои саҳроӣ, семинарҳо ва машқҳои амалӣ бо татбиқ намудани дониши назариявӣ дар амал равона гардидааст.

Гуфта мешавад, дар кори мактаби зимистона 32 нафар аз донишгоҳҳои гуногуни кишвар ва инчунин аз чанд донишгоҳи хориҷӣ ширкат варзида, барномаи мазкур то 6 - уми феврал идома меёбад.

Малика МУҚАДАМОВА, “ҶТ”