17 - уми сентябр дар шаҳри Хуҷанд Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати кишвар, узви комиссияи озмуни ҷумҳуриявии “Илм – фурӯғи маърифат” дар якҷоягӣ бо дигар масъулин аз рафти баргузории даври вилоятии озмуни “Илм – фурӯғи маърифат”, ки дар Муассисаи давлатии “Китобхонаи вилоятии ба номи Тошхӯҷа Асирӣ” - и вилояти Суғд доир шуда истодааст, боздид намуданд.

Зимни суҳбат бо довталабон ва масъулини озмун дар вилоят таъкид карда шуд, ки баргузории чунин озмунҳои ҷумҳуриявӣ барои рушду нумӯи неруи зеҳнии ҷавонон, баланд бардоштани сатҳи донишу маърифат ва ҳавасмандгардонии онҳо ба илм нақши муассир дорад.

Раиси Кумита иброз дошт, ки сиёсати давлатии ҷавонон таҳти роҳбарии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба тарғибу ташвиқи донишандӯзӣ ва китобхонӣ равона гардида, ҷавононро зарур аст, ки аз имкониятҳои фароҳамгардида самаранок истифода намоянд.

“ҶТ”