Амадонӣ Камолов футболбози 21 солаи тоҷик ба бошгоҳи “Гул Гуҳар”-и Эрон гузариш кард.

Дар ин бора сомонаи расмии бошгоҳ иттилоъ дод.

Мувофиқи иттилои манбаъ Амадонӣ бо бошгоҳи мазкур ба муҳлати дувуним сол шартнома ба имзо расонида, дар ин муддати муайяншуда, бо пироҳани дастаи “Гул Гуҳар” баромад хоҳад кард. Дастаи мазкур аз номи шаҳри Сирҷон дар Лигаи бартари Эрон баромад мекунад.

Чуноне сомонаи расмии даста қайд мекунад, барои ба даст овардани Амадонӣ якчанд бошгоҳҳои дигари Лигаи бартари Эрон низ талош доштанд, ки футболбози тоҷик дастаи мазкурро интихоб кардааст.

“Футболбозӣ 21 солаи ояндадори тими миллии Тоҷикистон, қабл аз пайвастан ба “Гул Гуҳар”, бо пешниҳодоти аз бархе тимҳои Лигаи бартари Эрон рӯ ба рӯ шуда буд, аммо дар интиҳо тасмим гирифт барои идомаи даврони футболии худ, ба “Гул Гуҳар” бипайвандад” – омодааст дар иттилоияи сомонаи расмии бошгоҳи “Гул Гуҳар”.