Дар шаш моҳи аввали соли 2026 корхонаҳои соҳаи мошинсозӣ, саноати мудофиа ва химияи Тоҷикистон дар маҷмуъ ба маблағи 3 миллиарду 92,3 миллион сомонӣ маҳсулот истеҳсол кардаанд. Ин нишондиҳанда нисбат ба ҳамин давраи соли гузашта 629,6 миллион сомонӣ бештар буда, суръати афзоиши истеҳсолот 125,6 дарсадро ташкил медиҳад.

Дар ин бора Шералӣ Кабир, вазири саноат ва технологияҳои нави Тоҷикистон, имрӯз 10 июн зимни нишасти матбуотӣ хабар дод.

Ба гуфтаи ӯ, новобаста аз афзоиши умумии истеҳсолот, фаъолияти ҶСК “Ширкати Алюминийи Тоҷик” (ТАЛКО) дар нимсолаи аввал бо коҳиши истеҳсол рӯбарӯ шудааст.

Ба иттилои вазир, ТАЛКО дар шаш моҳи соли ҷорӣ ба маблағи 391,3 миллион сомонӣ маҳсулот истеҳсол кардааст, ки нисбат ба ҳамин давраи соли 2025 30,8 миллион сомонӣ камтар мебошад. Суръати афзоиши истеҳсол дар ширкат 92,7 дарсад арзёбӣ шудааст.

Ҳаҷми истеҳсоли алюминийи аввалия низ коҳиш ёфта, дар ин давра ба 37,5 ҳазор тонна расидааст. Ин нишондиҳанда нисбат ба шаш моҳи соли гузашта 11 ҳазору 450 тонна камтар буда, суръати афзоиш ҳамагӣ 76,6 дарсадро ташкил додааст.

Шаҳноза АЗИМОВА, “ҶТ”