Дар Тоҷикистон нисбати чор ширкати мобилӣ - Тсел, Мегафон, Билайн ва Вавилон парвандаҳои ҳуқуқвайронкунии маъмурӣ боз шудааст.

Ин нуқта зимни нишасти хабарӣ аз ҷониби Исфандиёри Саъдулло, сардори Хадамоти алоқаи кишвар садо дод.

Сардори Хадамот зикр кард, ки дар натиҷаи баррасии парвандаҳои ҳуқуқвайронкунии маъмурӣ дар маҷмуъ 129 парванда нисбат ба 119 нафар шахсони воқеӣ ва ҳуқуқӣ қарорҳо дар бораи таъин намудани ҳуқуқвайронкунии маъмурӣ қабул гардидааст, ки нисбати соли 2024 93% зиёд мебошад.

Ба гуфтаи ӯ, дар ин миён нисбати шахсони воқеӣ низ парвандаҳо боз шуданд, ки дар маҷмуъ ҳаҷми ҷаримаҳо дар 400 ҳазор сомониро ташкил доданд.

- Вобаста ба пайвастшавии ғайриқонунӣ ба шабакаҳои алоқаи мобилӣ нисбати шахсони воқеӣ ҳам парвандаҳои кушода шуданд, ки аз 3 то 5 нишондиҳанда барои ҳисобҳо ҷарима татбиқ гардид. Қисми зиёди парвандаҳо ба шикратҳои мобилӣ дахл дорад, ки аз 100 то 200 нишондиҳанда тибқи қонунгузории Ҷумҳурии Тоҷикистон пешбинӣ гардидааст,-зикр кард сардори Хадамот.

Фарзонаи УМАРАЛӢ, “ҶТ