Дар нимсолаи якуми соли 2026 бо мақсади мутобиқ намудани фаъолияти омӯзгорон ба талаботи низоми муосири таҳсилот 146 нафар омӯзгори Донишгоҳи техникии Тоҷикистон ба номи академик М. С. Осимӣ ба курсҳои такмили ихтисос ҷалб гардиданд.

Дар ин хусус имрӯз 24 июл Қудрат Давлатзода, ректори Донишгоҳи техникии Тоҷикистон ба номи академик М. С. Осимӣ зимни нишасти хабарӣ иттилоъ дод.

Ба қавли ректор ин нишондиҳанда нисбат ба солҳои гузашта афзоиш ёфта, 43,8 фоизи ҳайати омӯзгорони муассиса ба такмили ихтисос ҷалб гардидаанд.

- Агар соли 2024 ба курсҳои такмили ихтисос 105 нафар ва соли 2025 107 нафар омӯзгор фаро гирифта шуда бошад, дар нимсолаи аввали соли 2026 шумораи онҳо ба 146 нафар расидааст, ки аз баланд шудани маҳорати касбӣ ва беҳтар намудани сифати таълим шаҳодат медиҳад,- гуфт Қ. Давлатзода.

Шаҳноза АЗИМОВА, “ҶТ”