Соли 2025 ба курси якуми шуъбаҳои рӯзона ва фосилавии Донишкадаи санъати тасвирӣ ва дизайни Тоҷикистон тариқи Маркази миллии тестии назди Президенти Ҷумҳурии Тоҷикистон дар чор даври фаъолияти комиссияи қабул 341 довталаб дохил шудаанд, ки 57% нақшаи қабули донишҷӯёнро ташкил медиҳад.

Дар ин бора имрӯз, 4 - феврал, Сироҷиддин Ҷурахонзода, ректори Донишкадаи санъати тасвирӣ ва дизайн зимни нишасти хабарӣ иттилоъ дод.

Ба гуфтаи ӯ, дар ин баробар, 26 нафар донишҷӯ ба курси дуюм барои идомаи таҳсил, 3 нафар ба курси дуюми маълумоти дуюм ва 25 нафар ба зинаи магистратура қабул гардидаанд. Илова бар ин, як нафар ғолиби Озмуни ҷумҳуриявии "Тоҷикистон - Ватани азизи ман" тибқи имтиёз ба курси дуюм фаро гирифта шудааст, ки дар маҷмуъ иҷрои нақшаи қабули донишҷӯён дар ин зина 60 % ташкил дода, ки нисбат ба соли гузашта 20 % бештар мебошад.

Ҳамчунин, таъкид шуд, ки дар соли 2025 Донишкада 332 нафар хатмкунанда доштааст, ки аз ин шумора 311 нафар аз рӯи зинаи бакалавр ва 21 нафар аз рӯи зинаи магистратура таҳсилро ба анҷом расонидаанд.

Аз шумораи умумии хатмкунандагони соли 2025 34 нафарро хатмкунандагони гурӯҳҳои буҷавии равияи омӯзгорӣ ташкил медиҳанд, ки тибқи роҳхати Вазорати маориф ва илми Ҷумҳурии Тоҷикистон пурра ба ҷойи кор таъмин гардидаанд.

Малика МУҚАДДАМОВА, “ҶТ”