1 август Эмомалӣ Насриддинзода, ректори Донишгоҳи миллии Тоҷикистон дар нишасти матбуотӣ иттилоъ дод, ки дар 14 факултети донишгоҳ 248 нафар донишҷӯ тибқи Квотаи Президенти Ҷумҳурии Тоҷикистон таҳсил менамоянд. Аз ин шумора 121 нафар духтар ва 127 нафар писар мебошанд.

Ба гуфтаи Насриддинзода, дар соли таҳсили 2024–2025, 72 нафар донишҷӯ тибқи Квотаи Президенти Ҷумҳурии Тоҷикистон ба донишгоҳ дохил гардидаанд, ки аз ин шумора 33 нафар духтар ва 39 нафар писар мебошанд.

Таъкид гардид, ки баъд аз ҷамъбасти сессияи имтиҳонӣ, дараҷаи азхудкунии фанҳо дар шакли шифоҳии қабули имтиҳонҳо 99,1% ва дар шакли тестӣ 98,05%-ро ташкил додааст, ки ин нишондиҳандаи сатҳи баланди омодагии донишҷӯён мебошад.

З. ҚОСИМОВА "ҶТ"