Дар шаш моҳи аввали соли ҷорӣ Палатаи савдо ва саноати кишвар дар баргузории 16 намоишгои дохилӣ ва хориҷӣ мусоидат кардааст. Ҳамчунин, дар 12 намоишгоҳи байналмилалии 6 кишвари ҷаҳон муаррифии молу маҳсулоти истеҳсолкунандагони ватанӣ таъмин гардидааст.

Дар ин бора Ҳайдар Раҷабзода, раиси ин ниҳод 31 июл зимни нишасти хабарӣ иттилоъ дод.

Гуфта шуд, ки молу маҳсулоти ватанӣ дар 2 намоишгоҳи Эрон, 6 намоишгоҳи Узбекистон, 1 намоишгоҳи Русия, 1 намоишгоҳи Олмон, 1 намоишгоҳи Ҷопон ва 1 намоишгоҳи АМА муаррифӣ шудааст.

- Дар ин давра дар Тоҷикистон низ бо иштироки истеҳсолкунандагони давлатҳои Чин, Эрон ва Русия намоишгоҳҳо гузаронида шуд, - гуфт Раҷабзода.

Раиси Палатаи савдо ва саноат ҳамзамон зикр дошт, ки аз павилиони миллии Ҷумҳурии Тоҷикистон дар намоишгоҳи байналмилалии ЭКСПО- 2025, ки дар шаҳри Осакаи Ҷопон баругузор гашта истодааст, ҳамарӯза аз 20 то 25 ҳазор нафар дидан мекунанд.

С. ҚИЁМИДДИН, “ҶТ”