Соли 2025 Кумитаи ҳифзи муҳити зисти назди Ҳукумати Ҷумҳурии Тоҷикистон дар ҳамкорӣ бо олимону коршиносони Академияи миллии илмҳои Тоҷикистон “Китоби сурхи Ҷумҳурии Тоҷикистон”-ро бо ворид намудани 243 намуди ҳайвонот ва 304 намуди набототи нодири кишвар такмил дода, нашри сеюми онро аз чоп баровард.

Дар ин хусус, Баҳодур Шерализода, раиси Кумитаи ҳифзи муҳити зист хабар дода, гуфт он дар ду ҷилд таҳия шуда, ҳамчунин китоб бо аксҳои ҳайвоноту наботот ороиш додашуда пешниҳод ба муассисаҳои таҳсилоти умумӣ ва кӯдакистонҳо дар назар аст.

Инчунин, ӯ зикр намуд, ки Кумита дар ин давра "Барномаи давлатии рушди ҳудудҳои табии махсус муҳофизатшаванда барои солҳои 2026-2030"-ро таҳия намудааст.

Гулафшон КАРИМОВА, “ҶТ”