Дар ноҳияи Ҷалолиддини Балхии вилояти Хатлон маркази ҷойгирии муваққатии паноҳандагони эҳтимолӣ ва онҳое, ки бар асари офатҳои табиӣ зарар дидаанд, нуқтаи тиббӣ ба истифода дода шуд. Дар ин бора Кумита ҳолатҳои фавқулода ва мудофаи граждании назди Ҳукумати Ҷумҳурии Тоҷикистон иттилоъ медиҳад.

Бино ба иттилои манбаъ, ин нуқтаи тиббӣ 11 январи соли 2023 дар ноҳияи Ҷалолуддин Румии вилояти Хатлон ба истифода дода шудааст.

Гуфта мешавад, ки ин нуқтаи тиббӣ дар доираи ҳамкориҳои байналмилалии КҲФ бо шарикони байналмилалӣ дар самти коҳиши хатари офатҳо сохта шудааст.

- Ин нуқта имкон медиҳад, ки дар сурати сар задани офати табиӣ ё дигар ҳолатҳои фавқулодда тақрибан 100 оилаи аз манзил ва амволи худ маҳрумшуда бо ҳадди ақали ашёи зарурӣ: хайма, дорухонаи шахсӣ, зарфҳои об, бастаҳои беҳдоштӣ, болишту кӯрпа ва маҷмаъаҳои ошхонаӣ таъмин бошанд,-омадааст дар хабар.

Инчунин гуфта мешавад, ки ин нуқта бо оби нӯшокӣ, неруи барқ ва дигар васоли зиндагӣ таъмин аст.