Имрӯз бахшида ба моҳвораи ҷавонон бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Иттифоқи ҷавонони Тоҷикистон дар якҷоягӣ бо Донишкадаи давлатии фарҳанг ва санъати Тоҷикистон ба номи М. Турсунзода бо мақсади гиромидошти шоири машҳури тоҷик, Қаҳрамони Тоҷикистон устод Мирзо Турсунзода дар бинои асосии донишкада таҳти унвони “Ба гиромидошти шоири машҳури тоҷик, арбоби ҷамъиятиву сиёсӣ ва Қаҳрамони Ҷумҳурии Тоҷикистон устод Мирзо Турсунзода” ҳамоиши илмӣ – назариявӣ доир гардид.

Тибқи иттилоъ, чорабинӣ таҳти раёсати роҳбарияти Кумита баргузор гардида, дар он роҳбарияти донишкада ва ҳайати омӯзгорону донишҷӯёни Донишкадаи давлатии фарҳанг ва санъати Тоҷикистон ба номи М. Турсунзода иштирок намуданд.

Нахуст, ҳайати меҳмонон аз гӯшаи намоишгоҳи дастовардҳои илмии донишкада боздид намуда, сипас доир ба бузургдошти устод Мирзо Турсунзода баромад намуданд.

Дар фарҷом ба чанде аз фаъолони муассиса сипосномаи Кумита тақдим гардида, чорабинии фарҳангӣ пешниҳоди ҳозирин гардонида шуд.

“ҶТ”