Дар толори Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Моҳвораи ҷавонон хакатон дар мавзуи “Зеҳни сунъӣ барои ҳалли мушкилоти иҷтимоӣ” баргузор гардид.

Дар чорабинӣ муовини аввали раиси Кумита Раҳимзода Шабнам, масъулини Раёсати рушди иҷтимоии ҷавонон, инчунин намояндагони фаъоли созмонҳои ҷавонон иштирок ва суханронӣ намуданд.

Зимни ҳамоиш таъкид гардид, ки истифодаи технологияҳои муосир ва имкониятҳои зеҳни сунъӣ метавонад дар ҳалли масъалаҳои иҷтимоӣ, рушди малакаҳои рақамӣ ва баланд бардоштани фаъолнокии ҷавонон нақши муассир гузорад.

Ҳамчунин, дар чорабинӣ аъзои маҳфили “Ватанпарвар” ва ташкилоти ҷамъиятии “Пайравони Пешвои миллат” фаъолона иштирок намуда, доир ба пешниҳод ва муаррифии идеяҳои навоварона мубодилаи афкор анҷом доданд.

Дар анҷом ба иштирокчиён сертификат супорида шуд.