Таҳти ин унвон имрӯз 4.11.2020 дар бинои “Кохи афсарон”-и Вазорати мудофиаи Ҷумҳурии Тоҷикистон конференсияи илмию амалӣ баргузор гардид.

Дар конференсияи мазкур намояндагон аз Дастгоҳи иҷроияи Президенти Ҷумҳурии Тоҷикистон, Вазорати мудофиа, Вазорати корҳои дохилӣ, Вазорати маориф ва илм, Вазорати молия, Вазорати рушди иқтисод ва савдо, инчунин Кумитаи ҳолатҳои фавқулода ва мудофиаи гражданӣ, Акадекмияи миллии илмҳо, Академияи ВКД ва Донишкадаи олии сарҳадии КДАМ иштироку суханронӣ намуданд.

Бояд гуфт, ки коференсияи дар доираи иҷрои Қарори Ҳукумати Ҷумҳурии Тоҷикистон аз 29 феврали 2020 “Дар бораи Нақшаи баргузории чорабиниҳои илмӣ ва илмию техникӣ дар Ҷумҳурии Тоҷикистон барои соли 2020” доир гардид ва дар доираи он масъалаҳои рушди самтҳои илми ҳарбӣ, заминаҳои ҳуқуқии рушди илми ҳарбӣ ва дурнамои инкишофи илми ҳарбӣ дар Ҷумҳурии Тоҷикистон ва дигар масъалаҳои дахлдори соҳа мавриди баҳсу таҳлил қарор гирифтанд.

Дар доираи конференсия, инчунин овезаҳои таблиғоти-илмӣ, китобҳо, дастурҳои таълимии банашррасида дар мавзӯи “Коркарди ососҳои методологӣ ва ҳуқуқӣ доир ба рушди илми ҳарбӣ - техникӣ дар Донишкадаи ҳарбӣ барои солҳои 2019-2020” ба намоиш гузошта шуд ва лоиҳаи нави илмӣ дар мавзӯи “Ҳолати кунунӣ ва дурнамои рушди илми ҳарбӣ дар Ҷумҳурии Тоҷикистон барои солҳои 2021-2023” руй кор гирифта шуд.

Ҳаминтавр дар охири конфронс таҳти мусиқии Оркестри ҳарбӣ-нафасии Донишкадаи ҳарбии Вазорати мудофиаи Ҷумҳурии Тоҷикистон ба як қатор иштирокчиёни чорабинии мазкур аз ҷониби роҳбарияти Донишкадаи ҳарбӣ ифтихорномаҳо супорида шуд.