Дар Донишгоҳи давлатии Хуҷанд ба номи академик Б. Ғафуров 621 нафар тавассути Квотаи президентӣ таҳсил мекунанд.

Дар ин бора зимни нишасти матбуотӣ ректори донишгоҳ Мирзотоҳир Набизода иттилоъ дод.

Гуфта шуд, ки аз шумораи умумии хатмкардагон дар соли таҳсили 2025, ки 6549 нафарро ташкил медиҳад, 160 нафарашон тавассути Квотаи президентӣ ин боргоҳи таълимиро хатм намудаанд. Дар соли хониши нав ба ДДХ ба номи академик Бобоҷон Ғафуров 4819 нафар дохил шудаанд ва аз ин теъдод 146 нафараш тавассути Квотаи президентӣ ба таҳсил фаро гирифта шудаанд.

Дар идома таъкид гардид, соли таҳсили 2025-2026 дар донишгоҳ барои омода намудани кардҳои тахассусманд ва ҷавобгӯ ба талаботи бозори меҳнат 7 ихтисоси нав дар зинаи бакалавр ва 1 ихтисои нав дар зинаи магистратура таъсис дода шудааст. Дар самти забономӯзӣ ва технологияҳои иттилоотӣ дар ин давра 17 ихтисоси наву замонавӣ таъсис ёфтааст.

Субҳиддин ҚОДИРОВ, “ҶТ”