Бахшида ба Соли ҷавонон Кумитат ҷавонон, варзиш ва сайёҳии назди Ҳукумати Ҷумҳурии Тоҷикистон “Барномаи зинаи аввали таълимӣ ва тайёрии варзишӣ барои машғулиятҳои тарбияи ҷисмонӣ ва маҳфилҳои беруназдарсии муассисаҳои таҳсилоти умумӣ”-ро ба табъ расонд.

Барномаро Сайраҳмон Раҳмонов, директори “Хонаи ҷумҳуриявии методӣ” омода карда, Кумитаи ҷавонон, варзиш ва сайёҳӣ онро ҳамчун дастури методӣ барои омӯзгор-мураббиёни ҷавон, донишҷӯёни муассисаҳои таҳсилоти олӣ ва миёнаи касбии соҳаи тарбияи ҷисмонӣ, фаъолияти кори маҳфилҳои беруназдарсӣ ва маҳфилҳои солимгардонӣ ва тайёрии ибтидоии муассисаҳои тайёрии варзишӣ тавсия дода, Вазорати маориф ва илм онро дастгирӣ кардааст.

Дар пешгуфтори китоб таъкид шудааст, ки тарҷумаи истилоҳоти варзиш ва мафҳумҳои соҳавӣ  аз тарафи муаллиф бори аввал ба забони давлатӣ тарҷума гардидааст. Барнома ба тарзи содда ва фаҳмо мураттаб гардидааст, барои рушди соҳа ва оммавӣ гаштани варзиш мусоидат менамояд.