Дар соли 2025 беш аз 1 млн кг маҳсулоти пастсифати ғизоӣ аз муомилот бароварда шуд . Дар ин бора имрӯз - 2 феврал Мирзоён Раҳмоншо, муовини аввали директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон зимни нишасти матбуотӣ хабар дод.

Ӯ гуфт, ки аз ин миқдор бештарашро маҳсулоти гӯштӣ, равғани растанӣ, нӯшокиҳои спиртӣ ва маҳсулоти ғалладонагӣ ташкил медиҳанд, ки аксаран маҳсулоти воридотӣ буданд.

Инчунин, ӯ қайд кард, ки дар ин давра аз ҷониби соҳибкорон беш аз 585 ҳазор кг маҳсулоти гуногуни хӯрокворӣ, ки муҳлати истеъмолиаш гузашта буд, ба анбори нигоҳдории Агентӣ супорида шуд.

Гуфта шуд, ки чунин маҳсулоти ғайристандартӣ дар давраи ҳисоботӣ зиёдтар дар шаҳри Душанбе ошкор шудааст.

Шаҳноза АЗИМОВА, коромӯзи “ҶТ”