Соли гузашта аз Тоҷикистон ба хориҷи кишвар 190 508 тонна маҳсулоти кишоварзӣ содир шудааст, ки нисбат ба соли 2024 22 683 тонна зиёд мебошад. Маблағи маҳсулоти содиргардида дар ин сол 79,2 млн доллари амрикоиро ташкил додааст, ки 22,5 млн доллар бештар аз соли гузашта аст.

Қурбон Ҳакимзода вазири кишоварзии Тоҷикистон зимни нишасти хабарӣ бо зикри ин нукта, ҳамчунин, гуфт, ки маҳсулоти кишоварзии мамлакат ба 26 давлати дуру наздик роҳ ёфтааст.

Илова бар ин, гуфта шуд, ки 89 фоизи маҳсулоти содиргардида ба кишварҳои ИДМ ва 11 фоиз ба давлатҳои хориҷи дур рост меояд.

- Ҳаҷми умумии истеҳсоли маҳсулоти кишоварзӣ дар ин давра ба 84,7 миллиард сомонӣ расидааст, ки нисбат ба соли гузашта 9,5 фоиз афзоиш ёфтааст- гуфт Қурбон Ҳакимзода.

Сайёраи ҚИЁМИДДИН, “ҶТ”