Аз 28 ҳазору 958 адад иншооти таъиноти гуногуни иҷтимоии ба нақша гирифта шуда бахшида ба 35-солагии Истиқлоли давлатии Ҷумҳурии Тоҷикистон 28 ҳазору 11 адад иншоот бо таъсиси 53 ҳазору 633 ҷойҳои нави корӣ сохта, мавриди истифода қарор дода шудаст.

Дар ин бора Камолиддин Муминзод, раиси Кумитаи рушди маҳали назди Президенти Ҷумҳурии Тоҷикистон зимни нишасти хабарии ин ниҳод иттилоъ дод.

Ба гуфтаи Муминзода ин нишондод ба 96,7 фоизи иҷроиши нақша баробар буда, то моҳи сентябр нақша пурра амалӣ хоҳад шуд.

Гуфта шуд, ки Кумита ҳамкориҳоро бо вазорату идораҳо ва мақомоти иҷроияи маҳаллии ҳокимияти давлатӣ ба роҳ монда, таҳлили рафти иҷрои нақшаи чорабиниҳои мақомоти иҷроияи ҳокимияти давлатии ВМКБ, вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳуриро амалӣ карда истодааст.

Сайёраи ҚИЁМИДДИН, “ҶТ”