Дар ин хусус, имрӯз-30 январ зимни нишасти матбуотии Агентии содироти назди Ҳукумати Ҷумҳурии Тоҷикистон гуфта шуд.

Баҳриддин Сироҷиддинзода, директори Агентӣ изҳор намуд, ки соли 2025 Ҷумҳурии Тоҷикистон гардиши савдои хориҷиро бо 128 давлати хориҷаи дуру наздик ба маблағи 10793,0 млн доллар ба роҳ мондааст, ки нисбат ба ҳамин давраи соли қаблӣ 1838,1 млн доллар зиёд мебошад.

Ҳамчунин, иттилоъ дода шуд, ки дар давраи ҳисоботӣ аз кишвар ба 64 давлати хориҷаи дуру наздик молу маҳсулоти ватанӣ содирот шудааст, ки аз он панҷ давлат, аз ҷумла Нидерланд, Швейтсария, Ҷумҳурии Мардумии Чин, Узбекистон, Туркия дар панҷгонаи аввал қарор доранд.

Инчунин, таъкид гардид, ки аз ҳаҷми умумии содирот 96,8 фоизро маҳсулоти саноатӣ ва 3,2 фоизро маҳсулоти кишоварзӣ ташкил дод.

Дар идома зикр гардид, ки содироти маҳсулоти саноатӣ дар соли 2025 2408,6 млн долларро ташкил дод, ки нисбат ба соли 2024 ба маблағи 517,9 млн доллар ё 27,4 фоиз афзоиш ёфтааст.

Гулафшон КАРИМОВА, “ҶТ”