Аз 1 то 31 августи соли 2026 дар ҳудуди шаҳри Душанбе ярмаркаҳои фурӯши либос ва лавозимоти мактабӣ баргузор мегардад. Дар ин бора қарори дахлдори раиси шаҳри Душанбе муҳтарам Рустами Эмомалӣ содир шудааст.

Тавре саҳифаи телеграмии шаҳрдори Душанбе иттилоъ дод, дар ярмаркаҳо иштироки фаъоли истеҳсолкунандагони ватанӣ ва пешниҳоди маҳсулоти босифат таъмин карда хоҳад шуд.

Дар ярмарка корхонаву тавлидгоҳҳои истеҳсолии пойтахт ва теъдоди зиёди соҳибкорони ватанӣ бо пешниҳоди намудҳои муайяншудаи сару либос ва лавозимоти мактабӣ иштирок карданд. Корхонаҳои тавлидӣ ва соҳибкорони ватанӣ ба мизоҷон баробари сару либос, инчунин пойафзол, ҷӯроб, лавозимоти мактабӣ ва дигар ашёҳои лозимаро, ки ба хонандагон дар ҷараёни хониш заруранд, пешниҳод хоҳанд кард.