Дар ин бора 10 июл Маҳмадсаид Шоҳиён, директори Муассисаи давлатии "Тоҷикфилм" зимни нишасти матбуотӣ хабар дод.

Ба гуфтаи ӯ, дар нимсолаи аввали соли ҷорӣ Муассиса ҳамкориҳои байналмилалиро пайваста густариш дода, робитаҳои шарикиро бо ташкилотҳои кинематографии хориҷӣ дар доираи татбиқи сиёсати давлатии рушди дипломатияи фарҳангӣ ва муаррифии кинои миллӣ дар арсаи байналмилалӣ таҳким бахшидааст.

- Яке аз муҳимтарин натиҷаҳои давраи ҳисоботӣ анҷоми истеҳсоли филми ҳунарии муштараки Тоҷикистону Русия "Шабаҳе дар зулмот" ("Зверь во мраке") мебошад, ки дар ҳамкорӣ бо ширкати киноии Русия "Спектр" таҳия шудааст. Коргардони филм Румӣ Шоазимов мебошад,- иброз дошт Маҳмадсаид Шоҳиён.

Ҳамзамон таъкид гардид, ки татбиқи ин лоиҳа марҳилаи муҳиме дар рушди истеҳсоли муштараки филм, тавсеаи ҳамкориҳои касбӣ байни кинематографистони ду кишвар, табодули таҷриба ва таҳкими робитаҳои фарҳангии Ҷумҳурии Тоҷикистон ва Федератсияи Русия ба ҳисоб меравад.

С. ИБОДЗОДА, "ҶТ"