Дар соли 2025 дар Ҷумҳурии Тоҷикистон 44 иншооти фарҳангӣ бунёд гардида, 120 иншооти фарҳангӣ таъмиру азнавсозӣ шуда аст.

Дар ин бора имрӯз - 26 январ Матлубахон Сатториён, вазири фарҳанги кишвар зимни нишасти хабарӣ иттилоъ дод.

Инчунин, ба иттилои номбурда дар ин давра 59 китобхона, 39 қаср ва хонаи фарҳанг, 4 осорхона, 11 боғи фарҳангӣ-фароғатӣ ва 6 мактаби мусиқӣ таъмир гардиданд. Ҳамзамон, 11 китобхона ба биноҳои нав кӯчонида шуда, бо таҷҳизоти муосир таъмин шуданд.

Гуфта шуд, ки айни ҳол сохтмони 9 иншооти нави фарҳангӣ идома дошта, 4 иншооти дигар дар марҳилаи лоиҳакашӣ қарор доранд.

Фарзонаи УМАРАЛӢ, “ҶТ”