Дар шаҳри Душанбе муҷассамаи майёри милитсия Мулло Нуров гузошта мешавад. Дар ин бора имрӯз - 29 январ телеграмканали шаҳрдорӣ иттилоъ дода, гуфта мешавад, ки ин иқдом дар асоси қарори Раиси шаҳри Душанбе муҳтарам Рустам Эмомалӣ амалӣ мешавад.

Ба иттилои манбаъ, муҷассама бояд дар кӯчаи Айнӣ 1, ноҳияи Шоҳмансур, собиқ бинои Раёсати вазорати корҳои дохилӣ дар шаҳри Душанбе гузошта шавад.

Таъкид мешавад, ки ин амал барои арҷгузорӣ аз хизматҳои содиқонаву софдилонаи майёри милитсия Мулло Нуров ва баланд бардоштани нуфузи милитсияи тоҷик дар кишвар амалӣ карда мешавад.

Ба гуфтаи масъулин Раёсати вазорати корҳои дохилӣ дар шаҳри Душанбе барои бунёди маҷассама бо гулгашт муваззаф гардидааст.

Ёдовар мешавем, ки майори милитсия Мулло Нуров-, командири взводи махсуси хадамоти роҳбонии Раёсати БДА ВКД Ҷумҳурии Тоҷикистон буд. Аз ӯ шахсе ном бурда мешавад, ки то охирин нафас ба вазифа, қонун ва адолат содиқ монд.

Гулафшон КАРИМОВА, “ҶТ”