Дар ноҳияи Ишкошим машқи фармондеҳии ситоди мудофиаи гражданӣ (МГ) дар мавзӯи “Амали ҳайати роҳбарикунанда, қувваю воситаҳои мудофиаи граждании ноҳия ҳангоми эълон намудани дараҷаҳои омодагии мудофиаи гражданӣ” баргузор гашт.

Дар чорабинӣ ҳайати роҳбарикунандаи мудофиаи граждании ноҳия, сардорони мудофиаи граждании идораҳои маҳаллӣ, бахши Раёсати Кумитаи ҳолатҳои фавқулодда ва мудофиаи граждании ВМКБ дар Ишкошим, комиссияҳои мақомоти иҷроия ва хадамотҳои мудофиаи граждании ноҳия иштирок намуданд.

Ба тамрин хамзамон сокинони маҳаллӣ ва муҳиммоти техникӣ ҷалб шуда, дар рафти баргузории он ҳозирин меъёру талаботҳои машқи панҷрӯзаи фармондеҳии ситодро аз худ карданд.

Машҳур ИМОМНАЗАРОВ, “ҶТ”