Зариф Мирдадо, раиси ноҳияи Ашт аз рафти корҳои сохтмонии толори варзишӣ дар назди Муассисаи таҳсилоти миёнаи умумии №26-и деҳаи Муломири ҷамоати шаҳраки Шайдон дидан намуд.

Толори варзишии мазкур бахшида ба истиқболи ҷашни 30-солагии Истиқлолияти давлатии Ҷумҳурии Тоҷикистон бо дастгирии мақомоти иҷроияи ҳокимияти давлатии ноҳия ва ташаббуси сокинони маҳаллӣ бунёд гардида, он ҷавобгӯ ба талаботи замони муосир мебошад.

Тавре ба мо Наврӯз Рустамзода, раиси ҷамоати шаҳраки Шайдон иттилоъ дод, толори варзишӣ барои бозии волейбол ва футболи хурд буда, он бо 300 ҳазор сомонӣ бунёд шуда, дарозияш 30 метр ва бараш 18 метр мебошад.

Шодмон НУРМАТОВ, “ҶТ”