Дар доираи сафари кории Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои Вилояти Мухтори Куҳистони Бадахшон бинои Маркази ҷавонони ноҳияи Рӯшон мавриди баҳрабардорӣ қарор дода шуд.

Тавре аз маркази таҳлил ва иттилооти Кумита хабар доданд, дар маросими ба истифода додани иншооти мазкур Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Шералӣ Мирзо, сардори Саридораи ҳифзи сирри давлатии назди Ҳукумати Ҷумҳурии Тоҷикистон ва Аҳмадзода Илҳом Шамол, раиси ноҳияи Рушон иштирок ва суханронӣ намуда, аз дастгириву ташаббусҳои Пешвои миллат нисбат ба ин самти афзалиятноки соҳаи иҷтимоии кишвар андешаронӣ намуданд.

Сипас, дар фазои тантанавӣ ба чанде аз фаъолҷавонон тӯҳфаҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон эҳдо карда шуд.

Ёдовар мешавем, ки бинои Маркази ҷавонони ноҳияи Рӯшон бо дастгирии молиявии Бонки осиёии рушд ва Барномаи рушди Созмони Милалаи Муттаҳид таъмиру таҷдид гардида, бо муосиртарин техникаву технология муҷаҳҳаз гардонида шудааст.