Дастаи мунтахаби футзали Тоҷикистон таҳти роҳбарии Пайрав Воҳидов дар доираи омодагӣ ба Ҷоми ҷаҳон-2024 бо дастаҳои мунтахаби Испания ва Нидерланд ду бозии дӯстона анҷом медиҳад.

Дар ин бора аз Федератсияи футболи Тоҷикистон хабар доданд.

Ба иттилои манбаъ ин бозиҳо дар моҳи сентябр сурат гирифта, футзалбозони тоҷик 5 сентябр бо дастаи мунтахаби Испания ва 8 сентябр бо дастаи мунтахаби Нидерланд рақобат мекунанд. Ҳамчунин 7 сентябр дар шаҳри Душанбе вохӯрии дастаҳои мунтахаби Испания ва Нидерланд баргузор мешавад. Ҳар се бозии дӯстона дар Маҷмааи варзишии “Кохи Олимп”-и шаҳри Душанбе баргузор мегарданд.

Бояд гуфт, дастаи мунтахаби фузали Тоҷикистон дар мусобиқоти қаҳрамонии ҷаҳон, ки аз 14 сентябр то 6 октябр дар Ҷумҳурии Узбекистон баргузор мешавад, дар гурӯҳи “Е” ҳунарнамоӣ мекунад. Ҳарифони дастаи мунтахаби фузали Тоҷикистон дастаҳои мунтахаби Марокаш (16 сентябр), Португалия (19 сентябр) ва Панама (22 сентябр) мебошанд.