Бошгоҳи шоҳонаи “Реал Мадрид” бар “Малорка” пирӯз шуда, ба финали суперҷоми Испания, ки дар Арабистони Саудӣ ҷараён дорад, роҳ ёфт.

Вохӯрӣ рӯзи панҷшанбе дар Ҷидда баргузор шуда, бо ҳисоби 3:0 ба фоидаи дастаи “Реал Мадрид” анҷом ёфт. Голҳои дастаи мадридиҳоро Ҷуд Беллингем (дақиқаи 63-юм), Родриго (90+5) ва ҳимоятгари “Малорка” Мартин Валиент дар дақиқаи 90+2 ба дарвозаи худ гол зада ҳисобро ба нафъи Реал афзун намуд.

Ҳамакнун дар финали Суперҷоми Испания “Реал Мадрид” бо “Барселона”, ки қаблан рӯзи чоршанбе, 8 январ бар “Атлетик Билбао” (2:0) ғалаба карда буд бозӣ мекунад. Бозии ҳалкунанда барои Ҷом 12 январ баргузор мешавад.

Яҳё МАҲМАДНАБИЕВ, “ҶТ”