Бахши кор бо ҷавонон ва варзиши ноҳияи Рӯшон силсилачорабиниҳои оммавӣ – варзишӣ ва солимгардониро бахшида ба Рӯзи пойтахти кишвар  ҷамъбаст намуд.

Ҳамин гуна, дар даври охири бозии волейбол дастаҳои “Емс” ва “Пичов” бо ҳам ракобат карда, тими “Емс” бо ҳисоби 3:2 бар дастаи рақиб дастболо гардид ва ғолиби мусобиқа шуд.

Дар мусобиқаи тенниси руйи миз, ки миёни ҷавонону наврасон сурат гирифт, ҷойи аввалро Аловатшо Аловатшоев, бозингари ҷамоати Назаршо Додхудоев ба даст оварда, зинаҳои дуввуму сеюмро бошад, Раҳматшо Мамадакимов ва Самир Алимамадов аз маркази ноҳия соҳиб гаштанд.

Озмуни иншои беҳтарин дар мавзӯи “Аҷаб шаҳри дилороӣ, Душанбе!”, ки байни хонандагони МТМУ ва Мактаб - интернати ҷумҳуриявии ноҳия доир шуд, бо пирӯзии хонандаи синфи 8 - и Мактаб - интернат Шоломова Маҳбуба ҷамъбаст шуд. Ҷойи дуюм насиби хонандаи синфи 9 – и МТМУ № 10 Азизбекова Амния шуда, Равшанова Меҳрона, хонандаи синфи 11 - и МТМУ № 9 бошад, зинаи сеюмро ба даст овард.

Ғолибони озмуни иншои беҳтарин ва чорабиниҳои варзишӣ аз ҷониби бахш бо ифтихорномаю мукофотпулӣ қадрдонӣ гардиданд.