Дар шаш моҳи аввали соли равон Маркази тадқиқоти стратегии назди Президенти Ҷумҳурии Тоҷикистон бо 7 ниҳоди таҳлилӣ санади ҳамкорӣ ба имзо расондааст.

Дар ин бора Хайриддин Усмонзода, директори Маркази мазкур зимни нишасти хабарӣ ба хабарнигорон иттилоъ дод.

Ӯ дар шарҳи ҳамкориҳо гуфт, ки Маркази тадқиқоти стратегии назди Президенти Ҷумҳурии Тоҷикистон бо чунин марказҳо санади ҳамкорӣ имзо кардааст: Маркази пажӯҳиши Шурои исломии Эрон, Институти тадқиқоти дипломатии ба номи шоҳзода Сауд Ал-Файсали Вазорати корҳои хориҷии Арабистони Саудӣ, Институти байналмилалии Осиёи Марказӣ, Донишгоҳи сиёсатшиносӣ ва ҳуқуқи Чин, Дакшин Маркази таҷрибаи пешқадами Ҷаҳони Ҷануб ва ёддошти тафоҳум бо Институти миллии тадқиқоти амниятии Муғулистон.

Инчунин, таъкид гардид, ки Марказ узви маркази таҳлилии СААД, Форуми СҲШ, Форуми марказҳои стратегии Осиёи Марказӣ, Маркази СММ доир ба дипломатияи боздоранда дар Ашқобод, Форуми марказҳои стратегии Осиёи Марказӣ ва Чин, Форуми марказҳои стратегии Осиёи Марказӣ ва Кореяи Ҷанубӣ мебошад.

М. МУҚАДАМОВА, “ҶТ”